#Кыскача яңалыклар 04 июля 2022, 15:53

Бер атна эчендә 52 кешегә инфаркт булган

04 июля 2022, 15:53

Узган атнада, 27 нче июньнән 3 нче июльгә кадәр, Казанның ашыгыч медицина ярдәме хезмәте 7298 тапкыр чакыртылган.

Скопировать ссылку

Иң күп чакырулар саны (6174) төрле авырулар буенча башкарылган. 135 кешедә баш мие кан әйләнешенең кискен бозылуы күзәтелгән, ә 52 кешедә көчле миокард инфарктлары булган. Бала табуга бригада 62 тапкыр чыккан.

Бәхетсезлек очракларына табиблар 1062 тапкыр барган. Юл-транспорт һәлакәте урыннарына ашыгыч ярдәмне 47 тапкыр чакыртканнар. Аварияләрдә 49 кеше зыян күргән, берсе үлгән. 30 кешене табиблар дәвалау оешмаларына алып киткән. Моннан тыш, янгын урыннарына 12 тапкыр барганнар, аларда ике кеше зыян күргән, дип хәбәр иттеләр Казанның «Ашыгыч медицина ярдәме станциясе» дәүләт автоном сәламәтлек саклау учреждениесендә.

Чыганак

Кызыклы яңалыкларны күзәтеп бару өчен Телеграм-каналга кушылыгыз.