Бер төчкерүдән 100 кеше "Омикрон" ияртергә мөмкин

Бу хакта аллерголог-иммунолог Владимир Болибок белдерде.

Аның фикеренчә, “Омикрон” - иң йогышлы чирләрдән санала. Иң кызганычы – бу чир белән балалар да авырый башлаган. “Хәзер иң мөһиме – балаларны саклау”, - ди ул.

Сүз уңаеннан, узган тәүлектә Татарстанда 107 кеше коронавирус йоктырган. “Омикрон” штаммы аркасында республикада авыручылар саны дүрт тапкырга артырга мөмкин.

Исегезгә төшерәбез, Владимир Путин коронавирусның яңа дулкынына әзерләнү өчен ике атна вакыт бирде.