Берьюлы ике повестка киләчәк

Бу хакта Дәүләт Думасының оборона комитеты башлыгы Андрей Картаполов сүзләренә сылтама белән РИА Новости хәбәр итә. Картаполов хәбәр иткәнчә, 2024 елның язында электрон повесткалар сынау режимында таратылачак. Аның мәгълүматы буенча, хәрби бурычлылар реестры эшли башлаганчы кәгазь повестка төп булып кала. Ул билгеләп үткәнчә, бу очракта хәрби комиссариатка кәгазь повестка буенча барырга кирәк. Кәгазь һәм электрон повесткалар бертөрле көчкә ия, дип өстәде депутат.