#Кыскача яңалыклар 26 май 2018, 10:52

Бүген Россиядә эшмәкәрлек көне

26 май 2018, 10:52

Россия эшмәкәрлек көне ел саен 26 майда билгеләп үтелә. Бу көн Россия Федерациясе Президентының “Россия эшмәкәрлек көне турындагы” Указы белән гамәлгә куелган.

Скопировать ссылку

Россиядә эшмәкәрлек көне - иң яшь бәйрәмнәрнең берсе. Казанда быел бәйрәм рәсми рәвештә 11нче тапкыр үткәрелә. Эшмәкәрлек көненә багышланган тантаналы чара кичә Казанда Сәүдә-сәнәгать палатасында узды.

Татарстан Премьер-министры Алексей Песошин эшмәкәрләрне бәйрәм белән котлады һәм 1992 елда Минтимер Шәймиев указы белән оештырылган Сәүдә-сәнәгать палатасы тарихы турында сөйләде.
2017 елда Татарстанда кече һәм урта бизнеска ярдәм итү өчен 1 млрд 250 млн сум акча кертелгән, аның 250 млн сумы – федераль бюджеттан.
Премьер-министр сүзләренчә, хәзер Татарстанда 4 социаль-икътисадый үсеш территориясе бар – алар Чаллы, Түбән Кама, Чистай һәм Яшел Үзәндә. 65 сәнәгать паркы, муниципаль мәйданчыклар, бизнес-инкубаторлар бар.

ТР Сәүдә-сәнәгать палатасында бәйрәм чарасы кысаларында Татарстан Конституцион суды белән Сәүдә-сәнәгать палатасы арасында үзара элемтә һәм бушлай юридик ярдәм күрсәтү турында килешү имзаланды. Документны Татарстан Конституцион суды рәисе Фәрхәт Хөснетдинов белән Сәүдә-сәнәгать палатасы рәисе Шамил Агиев имзалады.

фото: tkp-nadym.ru

Кызыклы яңалыкларны күзәтеп бару өчен Т елеграмга кушылыгыз.

#эшмәкәрлек