#Кыскача яңалыклар 18 января 2021, 14:01

Бүген Россиядә коронавирустан массакүләм вакцинация башланды

18 января 2021, 14:01

Россиялеләр 2021 елның 18 гыйнварыннан ике теркәлгән вакцинаның берсе - "Спутник V" яки "Эпиваккорона" белән бушлай прививка ясата алалар, дип хәбәр итә ТАСС.

Скопировать ссылку

РФ президенты Владимир Путин 13 гыйнварда массакүләм вакцинациягә күчәргә йөкләмә бирде. Исегезгә төшерәбез, моңарчы, 2020 елның 10 декабреннән медик, укытучы, хроник авырулары булган кешеләргә беренче чиратта прививка ясыйлар иде.

Гыйнвар ахырына кадәр Россиядә әйләнешкә ковидтан 2,1 млн доза вакцина кертеләчәк. Роспотребнадзор башлыгы Анна Попова гыйнвар башында билгеләп үткәнчә, көзге эпидемиологик сезон башланганчы СОVID-19ка коллектив иммунитет формалашып өлгерсен өчен вакцинация оештырылырга тиеш. Шул рәвешле, Россиядә яшәүче халыкның 60 %ын колачлау күздә тотыла.

Фото: pixabay.com