“Әбиләр чуагы” башланды

Мондый җылы һава торышы тагын бер атна тирәсе дәвам итәр, бу көннәрдә уртача температура 15 градус җылы сакланыр, дип фаразлый КФУның экология һәм табигатьне саклау институтының метеорология, климатология һәм экология атмосферасы кафедрасы җитәкчесе Юрий Перведенцев. Дөрес, 3-4 сентябрьдә яңгырлар көтелә.Ә 5 сентябрьдә кинәт суытып җибәрүе ихтимал. Әлегә бу иртә килгән "әбиләр чуагы" гына. Көзге җылыларны сентябрь аеның икенче яртысында көтәргә кирәк, дип искәртә метеорологлар.