Әбиләре тәрбиясендә калган ике бала тәрәзәдән егылып төшкән

Бу хәл Оренбургтагы бер районда булган. Бүлмәдә ялгызлары калып уйнаган балалар ачык торган тәрәзә төбенә менеп басалар. Аларның авырлыгын тәрәзәгә куелган сетка тотып тора алмый һәм сабыйлар икенче каттан егылып төшә.

Икесе дә авыр тән җәрәхәтләре ала, 4 яшьлеген санавиация белән Оренбург хастаханәсенә озаталар. Балаларның әниләре вахта белән Мәскәүдә эшли, аларны әбиләре карап торган.

Фото: pixabay.com