#Кыскача яңалыклар 06 июля 2018, 09:51 Уку өчен 2 минут

Бистәдәге әниләргә дә акча түләнәчәк

06 июля 2018, 09:51

Уку өчен 2 минут

Авыл җирендә яшәүче балалы хатын-кызларга быелдан Татарстан Президенты социаль ярдәм тәкъдим иткән иде. Татарстанның хокукый мәгълүмат рәсми порталында хәбәр ителгәнчә, хәзер бу пособиене шәһәр тибындагы бистәдә яшәүче әниләр дә алырга хокуклы.

Скопировать ссылку

Гаиләдә туган беренче бала өчен 25 яшьтән яшьрәк әниләргә – 50 мең сум, 29 яшь тулганчы өченче баласын табучыларга 100 мең сум дәүләт ярдәме каралган.

Пособиене рәсмиләштерү өчен, бала туганнан соң алты ай эчендә теркәлү урыны буенча социаль яклау бүлегенә мөрәҗәгать итәргә кирәк. Баланың быелның 1 гыйнварыннан соң тууы, әнинең дә, сабыйның да Россия гражданины булуы, әнинең авыл җирендә, бистәдә кимендә өч ел яшәве шарт. Үзең белән паспорт, банкта ачылган счет реквизитларын һәм баланың туу турындагы таныклыгын алып килергә кирәк.

фото: Find Finance Freedom

Кызыклы яңалыкларны күзәтеп бару өчен Вконтактега кушылыгыз.

#акча #социаль ярдәм