«Бәлешфест»ка 80 килограммлы бәлеш пешергәннәр
Башкортстанның Бүздәк районы Бүздәк авылында күркәм гадәткә әверелгән «Бәлешфест» Милли аш-су фестивале узган.
Башкортстанның Бүздәк районы Бүздәк авылында күркәм гадәткә әверелгән «Бәлешфест» Милли аш-су фестивале узган.
Бу юлы фестиваль өчен махсус татлы эчлекле 80 килограммга якын авырлыктагы гаять зур бәлеш пешергәннәр, дип хәбәр итә «Башинформ» агентлыгы.
«Бәлешне пешерү өчен 10 килограммнан артык он, 5 килограмм май, 35 килограмм дөге, 25 килограмм йөзем һәм күрәгә киткән. Аны дүрт аш-су остасы биш сәгать дәвамында әзерләгән», – дип белдерде проектның җитәкчесе Альбина Хәлиуллина.
Авылда яшәүчеләр һәм Россиянең 40 төбәгеннән килгән кунаклар халык уеннарында катнашкан, күргәзмәләр белән танышкан. Фестивальдә гастрономия мәйданчыгы оештырылган. Анда татар, рус, башкорт, чуваш, мари, мордва һәм удмурт милли ризыкларын тәкъдим иткәннәр.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар