#Кыскача яңалыклар 07 сентября 2020, 14:29

Буа һәм Түбән Камада - икешәр очрак (яңа статистика)

07 сентября 2020, 14:29

Татарстанда соңгы тәүлектә Covid-19 коронавирус инфекциясе йоктыруның 25 яңа очрагы ачыкланган, шуларның икесе авыруны – чит илдә, 23е башка авырулар белән аралашу нәтиҗәсендә эләктергән.

Скопировать ссылку

Бу хакта республика оператив штабы хәбәр итә.

«Өч кеше хастаханәгә озатылган, 22се өендә дәвалана», - дип ачыклык керттеләр коронавируска каршы көрәш буенча оператив штабта.

Инфекция йоктыручыларның күбесе (12 кеше) 30-50 яшь аралыгында теркәлгән. Авырулар арасында 80 яшьтән өлкәнрәк бер кеше дә юк, берсе – балигъ булмаган.

Коронавирус йоктыручыларның күбесе Казанга (19 кеше) туры килә. Буа һәм Түбән Кама районнарында икешәр очрак ачыкланган.

Эпидемия башланганнан алып республикада коронавирус инфекциясенең 6 мең 694 очрагы теркәлгән, шуларның 5 мең 532се (20се – узган тәүлектә) терелгән.

Чыганак: "Татар-информ"

Кызыклы яңалыкларны күзәтеп бару өчен Телеграм-каналга кушылыгыз.

#коронавирус #статистика