Бурычыңны түләдеңме әле?

Быел Татарстанда алимент түләмәгән өчен приставлар 496 җинаять эше кузгаткан. Бу хакта матбугат конференциясендә ТР баш суд приставы урынбасары Елена Варфоломеева сөйләде.

70 тән артык җинаять эше бурычлыларга тапшырылган, алар алиментны өлешчә генә түләгән. Утыз түләмәүче быел яңадан җинаять җаваплылыгына тартылган.

"Мондый хокук бозу бер елга кадәр төзәтү эшләре рәвешендә җәза, яки өч айга кадәр арест яки бер елга кадәр иректән мәхрүм итүне күздә тота", - дип аңлатты идарә башлыгы урынбасары.
Түләмәүчегә җинаять эше кузгатыр алдыннан аны административ җаваплылыкка тарталар. Бүгенге көндә мондый беркетмәләр республиканың меңнән артык кешесенә карата төзелгән.