#Кыскача яңалыклар 13 марта 2018, 11:31

Быел республика ифтары ике көн булачак

13 марта 2018, 11:31

Быел булачак республика ифтарында яңалык көтелә. Әлеге хәбәрне «ШК» журналистына Россия һәм Татарстан мөселман хатын-кызлары берләшмәсе рәисе Наилә Җиһаншина җиткерде.

Скопировать ссылку

– Республика ифтарын хатын-кызлар һәм ир-атлар өчен аерым үткәрергә уйлыйбыз. Әлеге зур чарага әзерлекне бүгеннән үк башладык, аны оештыру буенча утырыш та узды. Ифтар мәҗлесе ике көн булачак, беренче көндә ир-атларны чакырачаклар, икенче көнне хатын-кызлар җыела. Мәҗлес, узган елдагыча, Теннис академиясендә үтәр дип көтелә. Төгәл көне әлегә билгеләнмәде. Хатын-кызлар ифтарында мөселман киемнәре һәм кул эшләре күргәзмәсе оештырыла, гүзәл затлар өчен вәгазьләр укылачак. Мәҗлескә чит төбәкләрдән дә, хәтта чит илләрдән дә кунаклар киләчәк. Шулай ук, традиция буенча, күп балалы, мохтаҗ гаиләләрне һәм мөмкинлеге чикләнгән кешеләрне дә чакырачакбыз, – дип сөйләде ул безгә.

Кызыклы яңалыкларны күзәтеп бару өчен Телеграм-каналга кушылыгыз.