Быел әбиләр чуагын көтәргәме?

-Урамда кояш булып, температура 20 градуска кадәр җылытса, димәк, җиһанда - әбиләр чуагы. Бездә мондый вакыт гадәттә сентябрьнең икенче, өченче өлешендә күзәтелә, - ди белгечләр.
Әмма быелгы көз әлегә җылы көннәре белән сөендерми. Синоптиклар фаразларына караганда, әбиләр чуагы соңрак - сентябрь ахыры-октябрь башында килер, ахыры.
Хәер, быелгы сентябрь синоптикларның фаразына бөтенләй туры килмәде. Алар көзнең беренче ае коры һәм җылы булачак дигәннәр иде. Ул исә нәкъ киресенчә килде.
-Сентябрь гаҗәпләндерде, аның каравы җәй көне явым-төшем булмады диярлек. Хәзерге вакытта яңгырлар җитәрлек яуды. Ә әбиләр чуагы булачак, тик менә ул безгә озакка килерме, әллә сизелми дә узып китәрме - монысын вакыт күрсәтер, - ди белгечләр.