#Кыскача яңалыклар 28 май 2019, 15:25

Чаллы заводында елына 57 мең кабина җитештереләчәк

28 май 2019, 15:25

Чаллыда «КАМАЗ» проекты – кабина каркаслары заводын ачу тантанасы булды. Әлеге завод төзелеше 2016 елның 10 мартында ук башланган иде. К5 буын автомобильләре өчен кабина каркасларын төзегәндә, иң заманча технологияләр кулланылды.

Скопировать ссылку

Чаллы заводында елына 57 мең кабина җитештереләчәк

Завод дүрт цехтан тора: буяу, эретеп ябыштыру, логистика һәм энергия үзәге. Заводта елына 57 мең кабина җитештерергә ниятлиләр. Җиде төрле модификация чыгару планлаштырыла. Заводта проект буенча кабиналар каркасларын җитештерүнең тулы циклын булдырырга уйлыйлар. Штампланган детальләрне локальләштерүдән алып, аларны эретеп ябыштыру һәм буяу күздә тотыла.

Завод ачылышына Татарстан Республикасы Президенты Рөстәм Миңнеханов та килде. Яңа заводта якынча 700 яңа эш урыны булдырылган, дип хәбәр итә «Татар-информ» мәгълүмат агентлыгы. Коллектив өч сменада атнага биш көн эшләячәк дип көтелә.

Заводтан тыш, Президент социаль ипотека программасы буенча төзелгән йортны тапшыру тантанасында да катнашты. Шулай ук өлешләп акча кертү нигезендә төзелә торган йортны да карап узды. Әлеге проблемалы йортны «Фон» компанияләр төркеме төзи башлаган булган. Хәзер бу эшне «Профит» компанияләр төркеме дәвам итә. Йорт 2020 елда файдалануга тапшырылыр дип көтелә.

Кызыклы яңалыкларны күзәтеп бару өчен Т елеграмга кушылыгыз.

#Чаллы #кабина #кабина каркаслары заводы #КАМАЗ