#Кыскача яңалыклар 09 ноября 2019, 10:00

Декрет яллары стажга керми?

09 ноября 2019, 10:00

Халык арасында армиядә хезмәт иткән, декрет ялларында булган еллар иминият стажына керми, дигән сүзләр таралган. Вахитов районы пенсия бүлеге белгечләре исә,бу имеш-мимешләргә ышанмаска куша. Армиядә хезмәт иткән, инвалидны караган, декрет ялларында утырган еллар да хезмәт стажына керә.

Скопировать ссылку

Әле ул еллар өчен пенсия баллары да өстәлә. Әйтик, беренче баланы тәрбияләгән өчен 1,8 балл, икенче балага 3,6 балл, өченче, аннан соңгы балаларга 5,4 балл каралган. Ләкин шунысын истә тотарга кирәк, ташламалы стажны исәпләгәндә декрет яллары исәпкә керми. Гади итеп аңлатканда, 2019 елдан ташламалы стаж белән пенсиягә чыгу мөмкинлеге бирелде. Ягъни хатын-кызларның 37 ел стажы, ир-атларның 42 ел эш стажы бар икән, пенсиягә ике елга алданрак чыгарга була.

Дөрес, стаж җыелган очракта да, хатын-кызларга 55, ир-атларга 60 яшь тулмаган булса, пенсиягә чыгу рөхсәт ителми. Кыскасы, хатын -кызның 37 ел стажы декрет ялларын исәпкә кертмичә җыелган булуы шарт.

Кызыклы яңалыкларны күзәтеп бару өчен Телеграм-каналга кушылыгыз.