#Кыскача яңалыклар 04 август 2023, 15:43

Депутатлар нинди машиналарда йөриячәк?

04 август 2023, 15:43

Дәүләт Думасы депутатлары 2023 елның сентябреннән "Москвич", Lada, Aurus автомобильләренә күчеп утырачак. Бу хакта Дәүләт Думасы Рәисе Вячеслав Володин белдерде.

Скопировать ссылку

— Депутатлар "Москвич", Lada, Aurus автомобильләрен кулланачаклар дип килеште. Тиздән "Волга" автомобильләре чыгарыла башлаячак. Алар да кулланышта булачак, - диде Володин.

Дәүләт Думасы Рәисе сүзләренчә, хәзер сайлау округларында депутатлар өчен төрле маркалы автомобильләр арендага алына. Дәүләт Думасы рәисе үзе Aurus машинасында йөри, ә эштән тыш вакытта экономияле һәм ышанычлы "Москвич-3" руле артына утыра.

— Депутатлар Президентыбыз Владимир Путин карарын хуплый, чөнки автомобиль җитештерүчеләребезгә дәүләт ярдәме кирәк. Мондый таяныч белән Россия компанияләре машина җитештереп чыгару эшен җайга салачак, - диде Володин.

Исегезгә төшерәбез, 3 августта Президент Владимир Путин барлык чиновниклар да Россия автомобильләрендә йөрергә тиешлеген билгеләп үтте. Узган елның декабрь ахырында ук яңа кроссовер Москвич-3 һәм электрокар Москвич-3е ваклап сатуга чыкты. Тагын ике автомобиль моделе — SUV һәм седан җитештерү планлаштырыла.

Кызыклы яңалыкларны күзәтеп бару өчен Т елеграмга кушылыгыз.