Динә Гарипова Яшел Үзәнгә кайта

- Бу, әлбәттә, гадәти булмаган күренеш. Чыгыш ясаулар бетерелде һәм күчерелде, студиядәге эшебезне әлегә кичектереп торырга туры килде. Әти-әниләр янына Яшел Үзәнгә кайтырга булдым. Читтән торып  үземнең команда белән, әзерләнәчәк альбом турында фикер алыша алачакмын һәм җырлар һәм клиплар өчен яңа идеяләр уйлап табу өстендә эшләячәкбез.

Коткыга бирелмәскә һәм барлык кирәкле чараларны үтәргә тырышам. Кулларымны еш юам, өйдән әллә ни чыгарга тырышмыйм, үзем белән дезинфекция чараларын йөртәм һәм күтәренке кәефтә калам. Алга таба вакыйгаларның ничек үзгәрәсен әлегә белмим, әмма тиздән барысы да җайга килер һәм без гадәти ритмга кайта алырбыз, дип ышанам, - дип белдерде җырчы.