#Кыскача яңалыклар 01 июнь 2021, 15:06

Дәүләт Думасы халыкны газга бушлай тоташтыру турында закон кабул итте

01 июнь 2021, 15:06

Дәүләт Думасы бертавыштан халыкны газга бушлай тоташтыру турындагы канунны кабул итте. Путин йөкләмәсен үтәүгә юнәлдерелгән документ берьюлы икенче һәм өченче укылыш аша узды.

Скопировать ссылку

Апрель ахырында Федераль Җыенга юллама белән чыгышы барышында Владимир Путин торак пунктларда җир кишәрлекләре чигенә кадәр бушлай газга тоташтыру турындагы инициативаны хуплады. Төзәтмә авторлары парламентның ике палатасы рәисләре - Валентина Матвиенко һәм Вячеслав Володин, шулай ук "Бердәм Россия" партиясе генсоветы сәркатибе Андрей Турчак, аның Дәүләт Думасындагы фракциясе башлыгы Сергей Неверов, шулай ук энергетика буенча Дума комитеты җитәкчесе Павел Завальный һәм сенатор Андрей Кутепов.

Вячеслав Володин журналистларга закон проекты бик күп кешеләргә мөмкинлек бирәчәк дип аңлатты. Аның бәяләвенчә, мич ягу, утын һәм күмер эзләүләр борынгыда калачак.

Фото: http://pixabay.com

Кызыклы яңалыкларны күзәтеп бару өчен Т елеграмга кушылыгыз.