#Кыскача яңалыклар 18 августа 2019, 10:00 Уку өчен 2 минут

Эченә фарш тутырылган ташкабак

18 августа 2019, 10:00

Уку өчен 2 минут

Кирәк булачак: -уртача зурлыктагы ташкабак -фарш (тавыкныкы булса яхшырак) -уртача зурлыктагы 2-3 суган -2 кишер -помидор -каймак -сыр -сарымсак (2-3 тырнак) -тәменчә тоз, борыч

Скопировать ссылку

1. Вак итеп суган турагыз (иттарткычтан чыгарсагыз да ярый). Кишерне угычтан чыгарыгыз.
2. Суган, кишер, тоз, борычны фаршка салып яхшылап болгатыгыз.
3. Ташкабакның кабыгын чистартып уртача киңлектә кисегез, эчендәге төшләрен чистартыгыз.
4. Фаршны ташкабак эченә тутырыгыз. Өстенә бераз сарымсак, түгәрәкләп туралган помидор салыгыз, каймак белән буталган сыр сибеп чыгыгыз.
5. Ташкабакларны пичтә яки мультиваркада пешереп була. Табаны сыекмай белән майларга онытмагыз. Әзерләү вакыты якынча 30 минут.