Еланнар куркыта

Урманга барып печән җыйганда, еш күрә идек. Кояшта кызынып яткан еланны урак белән куып җибәрәбез дә эшебезне дәвам итәбез.

Берсендә абый бер еланны чалгысы белән икегә дә кискән иде әле. Икегә бүленгән кара еланның ике якка шуышып киткәне әле дә күз алдымда. Хәзер урманнар тапталмаган, печән чабучысы да сирәгрәкме шунда, болыннар куе үлән белән капланган. Еланнар күренми дә. Шуңа җиләккә, гөмбәгә барырга да куркыта.