Эрдоган белән Путин Сирия һәм ике яклы мөнәсәбәтләр турында фикер алышты

Төркия башлыгы администрациясендәге чыганаклардан күренгәнчә, Путин Эрдоганны Төркиянең идарәче партиясе - Гаделлек һәм үсеш фиркасе рәисе итеп сайлануы белән котлаган.

Ике илнең лидерлары Төркия-Россия мөнәсәбәтләрен җайга салуда адымнарны тизләтү кирәклегенә басым ясаган.

Сирия кризисы хакында фикер алышканда, деэскалация зонасын булдыруның әһәмияте билгеләп үтелгән. Бу - әлеге илдәге хәлне җайга салуда үз өлешен кертәчәк.