Эрвин Нгапет коронавирустан дәваланган

Казанның “Зенит” командасы волейболчысы, коронавирус йоктырган Эрвин Нгапет сихәтләнгән һәм Республика клиник йогышлы авырулар хастаханәсеннән чыгарылган.

– Эрвин Нгапет тулысынча сәламәт, үзен яхшы хис итә. Бүген пациентны хастаханәдән чыгардылар, - дип җиткергәннәр "Татар-информ"га Татарстанның Сәламәтлек саклау министрлыгыннан.

Спорты туган ягына – Франциягә кайтырга җыенуын да әйткән.

Исегезгә төшерәбез, “ШК” берничә көн элек “Зенит” волейболчысының коронавирус йоктыруын җиткергән иде.