#Кыскача яңалыклар 13 июля 2018, 11:30

Эш эзләүчеләр игътибарына: Казан хастаханәләренә һәм сырхауханәләренә табиблар җитми

13 июля 2018, 11:30

Казан хастаханәләрендә һәм поликлиникаларында табиблар җитми, бүгенгә Татарстан башкаласында барлыгы 152 буш вакансия бар, дип яза «Татар-информ» мәгълүмат агентлыгы.

Скопировать ссылку

Казанда ашыгыч медицина хезмәтенә 42 табиб кирәк. Республика башкаласында гомумпрактика табиблары вазифасын башкаручы алты кеше җитми.

Шулай ук шәһәр хастаханәләрендә һәм поликлиникаларында 35 терапевт һәм 43 педиатр җитми.
Казан медицина учреждениеләре сигез анестезиолог-реаниматолог, сигез офтальмолог, биш оториноларинголог һәм биш неврологны көтә.

Эшкә урнашу буенча Татарстан Сәламәтлек саклау министрлыгының Казан идарәсенә 264-44-06 номеры яки Казан, Горький урамы, 14нче йорт, 113 бүлмәгә мөрәҗәгать итәргә мөмкин.

Кызыклы яңалыкларны күзәтеп бару өчен Телеграм-каналга кушылыгыз.