Эшләми торган көннәр йә иртәрәк башланчак, йә озайтылачак...

Россия Президенты Владимир Путин, 30 октябрьдән 7 ноябрьгә кадәр эшләми торган көннәр итүне хуплап, коронавирус белән бәйле вазгыять катлаулы булган төбәкләргә каникулларны иртәрәк тә башларга була, дип белдерде.   
– Илнең һәр субъектында эпидемиологик вазгыять төрле. Моннан чыгып төбәк башлыкларына эшләми торган көннәрне игълан итәр өчен 30 октябрьне көтмәскә дә була. Яки инде эшләми торган көннәрне 7 ноябрьдән соң да озайтырга мөмкин, – диде ул.