#Кыскача яңалыклар 09 сентября 2018, 08:18

Фатирлар җиһазаландырылып сатылачак

09 сентября 2018, 08:18

Стандарт-фатирларда агачтан эшләнгән җиһазлар барлыкка киләчәк. Бу хакта «Урманнарны саклау һәм агачны эшкәртү» дигән темага багышланган киңәшмәдә Россия Премьер-министры Дмитрий Медведев әйткән, дип хәбәр итә РБК.

Скопировать ссылку

Соңгы елларда төзелә торган стандарт-фатирларда, аны элек эконом-класслы торак дип тә әйтәләр иде, урынны аз алган, яки русча әйткәндә «встроенный» җиһаз булырга тиеш дигән ул. Бу мәсьәлә буенча тәкъдимнәрне, фикерләрне министрлыклар 3 октябрьгә кадәр җиткерергә тиешләр. Ведомстволарга аз урынны алып торган, агачтан эшләнгән мебель белән җиһазландырылган фатирларны ипотека шартларында сатып алу мөмкинлеген өйрәнү бурычы куелган.

Фатирларда минималь җиһаз булыр дип көтелә. Мебель фабрикасы директоры Александр Шестаков фикеренчә, тораклар җиһазландырылып сатылгач, беренче биш елда чүкеч тавышлары, ремонт эшләре дә тынып торыр иде.