Фатирын арендага биреп торган татарстанлы ванна бүлмәсенә яшерен камера урнаштырган

Алабуга шәһәрендә яшәүче бер ир-ат, ванна бүлмәсенә яшерен видеокамера урнаштырып, фатирда яшәп торучыларны видеога төшергән. Әлеге камераны очраклы рәвештә күреп алган 34 яшьлек ир-ат полициягә мөрәҗәгать иткән. Бу фатирны ул сайттагы белдерү буенча бер тәүлеккә арендага алып торган булган. Хәзерге вакытта "кунак"ларының шәхси тормышыннан хәбәрдар булырга яраткан алабугалыга карата җинаять эше ачылган. Гаепләнүче ике елга төрмәгә утырырга мөмкин.