#Кыскача яңалыклар 14 сентября 2021, 11:31

Федераль Сабантуй узасы көн билгеле

14 сентября 2021, 11:31

Ульяновск өлкәсенең Хөкүмәт йортында 2022 елда XXI Федераль Сабантуйга әзерләнү һәм үткәрү буенча оештыру комитетының утырышы узды.

Скопировать ссылку

Ульяновскида узачак Федараль Сабантуй 2022 елның 18 июнендә узачак.

Бүген, 14 сентябрьдә, Ульяновск өлкәсенең Хөкүмәт йортында 2022 елда XXI Федераль Сабантуйга әзерләнү һәм үткәрү буенча оештыру комитетының утырышы узды. Җыелышта Ульяновск өлкәсе Губернаторы вазифаларын вакытлыча башкаручы Алексей Русских һәм Татарстан Республикасының Премьер-министр урынбасары, Бөтендөнья татар конгрессының Милли Шура рәисе Васил Шәйхразиев катнашты. Бу хакта Бөтендөнья татар конгрессы сайтына сылтама белән "Татар-информ" яза.

Очрашу барышында милли татар бәйрәменә әзерләнүнең төп мәсьәләләре һәм аларны финанс ягыннан тәэмин итү тикшерелде.

Кызыклы яңалыкларны күзәтеп бару өчен Телеграм-каналга кушылыгыз.