#Кыскача яңалыклар 25 август 2020, 10:04

Фотомарафонда катнаш һәм бүләк от!

25 август 2020, 10:04

27 һәм 30 август көннәрендә республика халкын «Минем Татарстан» (“Мой Татарстан”) исемле фотомарафонда катнашырга чакыралар.

Скопировать ссылку

Оештыручылар аңлатуынча, фотомарафон көннәрендә республикада кызыклы квест узачак. Анда теләгән һәркем катнаша ала. Бүләкләр оту өчен 27 август көнне 18:00 һәм 30 августта 15:00 сәгатьтә трансляциягә кушылырга кирәк.

Ә инде җиңүгә ирешү өчен алып баручы биргән биремнәрне үтәү шарт. Алып баручы “Вконтакте”да #МойТатарстан фотомарафоны төркемендә туры трансляциядә биремнәр игълан итәчәк. Катнашучыларга аларны билгеле вакыт эчендә үтәргә кирәк. Бүләкләр шартларны төгәл үтәгән катнашучылар арасында уйнатылыр дип көтелә.

Хәзерге вакытта 2 меңнән артык кеше чарада катнашырга теләк белдергән. Алар #ПрекрасныйТатарстан хештегы белән 7,7 меңнән артык фото урнаштырган. Узган атнада беренче урынны Азнакай районыннан Флюн Вильданов яулаган.

Фотомарафонның максаты – Татарстан турында кызыклы фотолар булдыру һәм аларны социаль челтәргә урнаштыру.

Фото: pixabay.com

Кызыклы яңалыкларны күзәтеп бару өчен Т елеграмга кушылыгыз.

#квест #фотомарафон #мой татарстан