Гөлназ Асаева: "Ирем дә барачак, ул әзер, ул тели!"

Бу хакта Гөлназ социаль челтәрдә хәбәр итте.

“Бәлки мин бу мәсьәләдә барысын да аңлап та бетермимдер, ләкин “үзегез сугышыгыз, безгә ул кирәк түгел” дип үз иленнән качкан ирләрне аңламыйм. Хәер, аларны ирләр дип әйтеп тә булмый. Россиядә туып-үскән, биредә үзен тапкан, акча эшләгән кеше бер мизгелдә әти-әнисен, туганнарын, бөтен кешене ташлап китә. Мин шок хәлендә. Без Вильдан белән бу турыда сөйләштек. Мин 99 процент ышанып әйтә алам – минем ирем дә сугышка барачак. Ул әзер, ул тели, чөнки моннан качу мөмкин түгел. Әгәр дә ул башка фикердә булса, без, мөгаен, бергә дә булмас идек. Ә концертларга килгәндә, шуны әйтәсем килә: сез барыгыз да эшлисез, берегезне дә тәнкыйтьләмибез. Шуңа күрә теләсә нәрсә сөйләмәвегезне үтенәм. Без дә кешеләр, сездәге кебек үк кредитлар да, ипотекалар да бар”, - дип язган Гөлназ.