#Кыскача яңалыклар 31 июль 2019, 16:03

Горки-Әмәт урманында үзмәшгульләр фестивале узачак

31 июль 2019, 16:03

10-11 августта Казанның Горки-Әмәт урманында үзмәшгульләр фестивале узачак. Үз товарларын һәм хезмәтләрен 200-дән артык эшмәкәр тәкъдим итәчәк, дип хәбәр итә kzn.ru.

Скопировать ссылку

Фестиваль мәйданчыгында 8 функциональ зона оештырылачак: маркет, фуд-корт, экобазар, лекторий, фитнес, балалар, хезмәт күрсәтү һәм консультацияләр зоналары.

Фестивальгә килүчеләр мастер-классларда катнаша, үзмәшгуль һәм чакырылган спикерларның лекцияләрен тыңлый, кулдан эшләнгән әйберләр сатып ала алачак. Фитнес зонада кунакларны яңа күнегүләргә өйрәтәчәкләр һәм күнегүләрнең махсус программасын сайлап алачаклар. Чарада барлык теләүчеләргә пенсия иминияте буенча белгечләр, психологлар һәм юристлар консультация бирәчәк. Үзмәшгульләргә ярдәм итү үзәге консультантлары салым режимы турында сөйләячәкләр һәм үзмәшгуль буларак теркәлергә булышачаклар.

Фестиваль 11.00 сәгатьтә башлана. Керү бушлай. Ярминкәдә катнашу өчен +7(950)317-15-11, +7(987)002-91-71, + 7(937)600-12-26 телефон номерлары аша гариза бирергә кирәк, дип хәбәр итә оештыручылар.

Кызыклы яңалыкларны күзәтеп бару өчен Т елеграмга кушылыгыз.

#Горки-Әмәт урманы