#Кыскача яңалыклар 13 февраля 2019, 11:30

Грипп кайчанга кадәр сузылыр?

13 февраля 2019, 11:30

Быел грипп эпидемиясе апрель уртасында төгәлләнәчәк, дип белдерде Россия сәламәтлек саклау министры Вероника Скворцова «Беренче канал»га биргән интервьюсында.

Скопировать ссылку

Бу хакта ТАСС агентлыгына сылтама белән «Татар-информ» мәгълүмат агентлыгы хәбәр итте.

– Тагын ике атнадан соң грипп акрынлап чигенә башлаячак. Эпидемия апрель урталарында төгәлләнәчәк. Ул, гадәттә, 12-14 атна дәвам итә, – дигән ул.
Аның сүзләренчә, вакцинация ясау нәтиҗәсендә грипп белән авыру һәм үлем-китем очраклары сизелерлек кимегән.

– 2006 елдан башлап, 12 ел эчендә, илдә грипп йоктыручылар – 13, үлем-китем очраклары 20 тапкырга кимеде. Боларның барысына да вакцинация ясатучыларның 2,5 мәртәбә артуы нәтиҗәсендә ирешелде, – дип искәрткән министр.
Россия Сәламәтлек саклау министрлыгы мәгълүматлары буенча, 2019 елда грипп эпидемиясе уртача интенсивлык чигеннән узмаячак, чөнки илдә җитештерелгән вакциналарда барлык актуаль штаммнар да бар.

#грипп