Идел елгасын «сәламәтләндерү» өчен 15,9 миллиард сум акча тотыла

Идел бассейнына кергән барлык сулыклар 60 процентка чистартылачак. Татарстан республикасының экология һәм табигый байлыклар министры Фәрит Габделганиев сүзләренчә, хәзерге вакытта елгага Куйбышев су саклау зонасында урнашкан Казан “Водоканал”ының су баскан милке һәм ләм кырлары зыян сала. Идел елгасы төбендәге йөзгә якын корабның да зыяны зур.