#Кыскача яңалыклар 11 декабря 2022, 12:05 Уку өчен 2 минут

Игътибар! Татарстанда янә шторм кисәтүе игълан ителде

11 декабря 2022, 12:05

Уку өчен 2 минут

Машина йөртүчеләргә дистанцияне арттырырга, куркыныч маневрлар ясамаска һәм кисәк тормозга басмаска – тизлекне акрын гына киметергә кирәк.

Скопировать ссылку

Бүген көн дәвамында һәм 12 декабрь иртәсендә Татарстанда бозлы яңгыр һәм юлларда бозлавык көтелә. Шуңа бәйле рәвештә, республикада шторм кисәтүе игълан ителде.

Россия Гадәттән тыш хәлләр министрлыгының ТР буенча Баш идарәсе матбугат хезмәтендә бозлавык вакытында төп иминлек чаралары хакында искәртәләр. Машина йөртүчеләргә дистанцияне арттырырга, куркыныч маневрлар ясамаска һәм кисәк тормозга басмаска – тизлекне акрын гына киметергә кирәк. Шулай ук ерак юлга чыкмавың хәерле.

Җәяүлеләргә дә урамда игътибарлы булырга кирәк. Машиналарның сезне үткәреп җибәрүенә инангач кына юл аша чыгыгыз. Киемгә яктылыкны кире кайтара торган элементлар беркетергә киңәш ителә.

Чыганак: Татар-информ

Кызыклы яңалыкларны күзәтеп бару өчен Вконтактега кушылыгыз.