Ике кызны кычыткан белән кыйнаган ирләрне полиция эзли

Томск полициясе социаль челтәрләрдә видеоролик барлыкка килгәннән соң тикшерү оештырган. Кадрларда ике кызның куллары бәйләп куелган, ярым ялангач кыяфәттә. Ике ир-ат аларны кычыткан белән кыйный, дип хәбәр итә төбәк буенча Эчке эшләр министрлыгы.
Әлеге хәл янәсе 1 августта Томскта шәхси йортларның берсенең ишегалдында булган.
"Интернет челтәрендә урнаштырылган видеоязма буенча полиция хезмәткәрләре тарафыннан тикшерү үткәрелә, килеп чыккан хәлнең барлык шартлары билгеләнә. Тикшерү нәтиҗәләре буенча законнар нигезендә карар кабул ителәчәк", - дип хәбәр итә Томск эчке эшләр министрлыгы.

Фото: видеодан скриншот