Илһам Шакиров исемен йөрткән урамдагы беренче йорт кулланылышка тапшырыла

198 фатирлы әлеге йорт ачкычлары 26 декабрьдә хуҗаларына тапшырылачак. Татарстан Республикасы Президенты каршындагы Дәүләт торак фондының матбугат хезмәтеннән хәбәр итүләренчә, Илһам Шакиров урамы, 13нче йорт «Салават күпере» микрорайонында урнашкан. Биредәге йортлар социаль ипотека программасы буенча сафка бастырыла. Сүз уңаеннан, янәшәдә генә Әлфия Авзалова урамы да бар – анысында бер йорт кулланылышка тапшырылды инде.