Илмир Ямаловның дүртенче баласы кызмы, малаймы?
Дүртенче тапкыр әти булырга җыенган танылган алып баручы Илмир Ямалов гаиләсе гендер-пати үткәргән, ягъни туачак баланың җенесен ачыклаганнар.
Дүртенче тапкыр әти булырга җыенган танылган алып баручы Илмир Ямалов гаиләсе гендер-пати үткәргән, ягъни туачак баланың җенесен ачыклаганнар.
Әмма үзләре белсә дә, башкаларга бу яңалыкны сер итеп калдырдылар.
- Илмир, гендер-пати нәтиҗәсе син көткәнчә булдымы?
- Әйе, тик мин ничек көткәнне беркемгә дә әйтмәдем.
- Сабый кайчан туарга тиеш?
- Табиблар 27 гыйнвар, диде. Безгә иртәрәк булыр төсле...
- Ялгышмасам, төпчек улыгызга әле бер яшь юк?
- Әйе, Риязга 28 гыйнварда 1 яшь тулачак, Аллаһы боерса. Раянга – 8, Рузинәгә – 6 яшь.
Илмир социаль челтәрдә сораштыру үткәргән. Язылучыларының 60 проценты - кыз, 40 проценты – малай булыр дип фаразлый. Кем булса да, иң мөһиме – сау-сәламәт булсын!
Комментарийлар