Илсөя Бәдретдинова кайберәүләрнең телефон номерларын кара исемлеккә куйган

Һәр көнне иртән торуыма, ватсапка "хәерле иртә", "матур көннәр", чәең тәмле булсын ише аллы-гөлле, чәчәкле-чуклы йөз төрле рәсем килгән була. Аннары көн дәвамында тагын җыен килде-китте. Бүген шактый контактлар кара списокка урнаштырылды. Башыма әз генә булса да җиңел булып китте. Кирәк хәбәр дип телефон сызгырган саен йөгереп барам. Ә анда авызына чәчкә капкан чеби рәсеме. Иртәләрем хәерле, көннәрем матур, чәйләрем тәмле булсын өчен башымның тыныч булуы кирәк, кадерлеләрем дигән ул.