Ирина Слуцкая: «Олимпиада чемпионы булганга гына, Заһитованың хаталарын кичерәләр»

Аның сүзләренчә, Туктамышева икенче урында булырга тиеш иде, Заһитованың хаталарын Олимпиада чемпионы булганга гына кичерәләр. Исегезгә төшерәбез, беренче урында япон спортчысы Рика Кихира, икенчедә Алинә Заһитова, өченчедә Елизавета Туктамышева иде.

– Туктамышева техник яктан катлаулы программа күрсәтте. Ул аларны бик җиңел эшләде, аның белән бозга чыгып сикерәсе килде хәтта. Минемчә, ул икенче урында булырга тиеш иде. Елизавета берничә ел запаслар эскәмиясендә утырды. Судьялар тарафыннан аңа карата ышаныч та бик булмагандыр. Алинәнең хаталарын исә кичерделәр, гадәттә, чемпионнарга мөнәсәбәт яхшырак. Алинәгә алга барырга, нәрсәнедер үзгәртергә, көрәшергә кирәк. Ә көрәш чынлап та көчле, артыңда синең белән көрәшергә чыгарга әзер кызлар күп, – дигән ул.