Кабан дуңгызын атам дип иптәшен аткан

Бу хакта "Башинформ" хәбәр итә.

Ике дус кабан дуңгызы ауларга урманга барган. Ир-атлар урманга баргач икесе ике якка киткән. Шуларның берсе - 37 яшьлек аучы куаклар арасында тавыш ишеткән һәм шул якка атып җибәргән дип фаразлана.

Ядрә бергә ауга килгән 62 яшьлек иптәшенә тигән һәм ул шунда ук үлгән. Хәзер әлеге факт буенча тикшерү эшләре бара.