Камада 14 яшьлек малай батып үлгәннән соң, җинаять эше кузгатылган

Җинаять эшен тикшерү прокуратурада аерым контрольгә алынды, дип хәбәр итте ТР прокуроры ярдәмчесе Руслан Галиев.

Яр Чаллы шәһәренең Элеватор Тавы бистәсе янында Кама елгасында 14 яшьлек баланың батып үлгән. Фаҗига булган урынга ашыгыч хезмәтләр килгән.
Коткаручылар төркеме яр буеннан 15 метр ераклыкта суга баткан малайның үле гәүдәсен табып чыгарганнар.

Һәлак булган баланың гәүдәсе хокук саклау органнары хезмәткәрләренә тапшырылган. Әлеге урын коену өчен җиһазландырылмаган.

Суга баткан малай Кама ярына велосипедта сыйныфташы белән килгән. Балалар үзләре генә коенганнар, бер мизгелдә малай ярдәмгә чакыра башлаган һәм су астына китеп югалган.

Шул тирәдә ял итүче хатын-кыз һәм ир-ат аңа ярдәм итәргә тырышып караганнар, ләкин су астында аны таба алмаганнар һәм 112 номерына шалтыратканнар. Әлеге хәлнең сәбәбе - суда куркынычсызлык кагыйдәләрен үтәмәү.