#Кыскача яңалыклар 02 ноября 2018, 13:09

Камал театры «Алтын битлек»кә дәгъва кыла

02 ноября 2018, 13:09

Камал исемендәге Татар дәүләт академия театрының Гаяз Исхакый әсәрләре буенча Айдар Җаббаров сәхнәләштергән «Тормышмы бу?» спектакле «Алтын битлек» премиясе номинанты булды.

Скопировать ссылку

Татар театры тарихында беренче мәртәбә зур формадагы спектакль номинациягә үтте. Камал театры – республика драма театрлары арасыннан 2017/2018 сезон «Алтын битлек» номинацияләрендә катнашучы бердәнбер театр.

Спектакль илнең төп театраль премиясенә алты номинациядә җиңүгә дәгъва итә: «Зур формадагы иң яхшы спектакль», «Иң яхшы режиссер эше» – Айдар Җаббаров, «Икенче пландагы иң яхшы хатын-кыз роле» – Ләйсән Рәхимова, Хәлимнең әнисе (Мәрзия), «Иң яхшы ир-ат роле» – Искәндәр Хәйруллин (Хәлим), «Рәссам эше» – Булат Ибраһимов, «Ут буенча рәссам эше» – Ольга Окулова.
«Тормышмы бу?» спектаклен якын арада 21 ноябрьдә карарга мөмкин.

#Камал исемендәге Татар дәүләт академия театры #Алтын битлек