#Кыскача яңалыклар 05 март 2019, 07:27

Камил Исхаков Җәмигъ мәчете төзелешенә алына

05 март 2019, 07:27

Татарстан Президенты Рөстәм Миңнеханов Болгар ислам академиясен гамәлгә куючылар советы рәисе Камил Исхаковка Казанда Җәмигъ мәчетен төзү мәсьәләләре белән шөгыльләнә торган җәмәгатьчелек вәкилләре, меценатлар һәм руханилар төркемен җитәкләргә йөкләмә бирде, дип яза «Татар-информ» мәгълүмат агентлыгы.

Скопировать ссылку

Камил Исхаков Җәмигъ мәчете төзелешенә алына

«Татарстан Президенты Камил Исхаковны Казанда Җәмигъ мәчетен төзү мәсьәләләре буенча инициатив төркем җитәкчесе итеп билгеләде», – дип искәрткәннәр Президентның матбугат хезмәтендә.
Камил Исхаков 2016 елдан Татарстан Президенты ярдәмчесе вазифасында Болгар ислам академиясен оештыру белән бәйле мәсьәләләргә кураторлык итә. Исхаковның дини үзәкләр төзү белән бәйле проектларны гамәлгә ашыруда зур тәҗрибәсе бар.

2018 елның декабрендә Казан мэры Илсур Метшин журналистларга Казанда Җәмигъ мәчете төзелергә мөмкин булган берничә җир кишәрлеге сайлануы хакында хәбәр иткән иде. Шәһәр башлыгы сүзләренчә, Җәмигъ мәчете, Кол Шәриф мәчете һәм Казан Изге Ана иконасы соборы кебек үк, дин тотучылар һәм меценатлар акчасына торгызылачак.

Татар-информ

Кызыклы яңалыкларны күзәтеп бару өчен Т елеграмга кушылыгыз.