#Кыскача яңалыклар 21 октября 2018, 11:05 Уку өчен 2 минут

Кариев театрында премьера!

21 октября 2018, 11:05

Уку өчен 2 минут

26 октябрьдә Габдулла Кариев исемендәге Казан Татар дәүләт яшь тамашачы театрында «Ут чәчәге» спектакленең премьерасы була. Спектакльнең драматургы - Зиннур Хөснияр, режиссеры Татарстанның атказанган артисты Илфат Камалиев.

Скопировать ссылку

Әтисе үлеменнән соң Мәликә кырыс чынбарлык белән килешә алмый, күңел тынычлыгына башка дөньяда гына ирешергә мөмкин дип уйлый...

«Әсәрнең темасы – наркомания. Режиссер буларак, мин баланың наркотикларны ничек кулланганын күрсәтәсем килмәде. Шуңа без хореограф Нурбәк Батулла белән әлеге процессны бию аша башкарырга булдык. Тату сәнгатендә пәрәвез һәм үрмәкүч сурәте наркоман дигәнне аңлата. Спектакльдә без ул образны кулланып, наркоманияне кеше-үрмәкүч герое аша күрсәттек», - ди режиссер.

Спектакльдә Татарстанның атказанган артисткасы Гөлнара Абитова, Рузанна Хәбибуллина, Татарстанның атказанган артисты Илнар Низамиев, Гөлнара Фазылҗанова, Альбина Гайзуллина, Гөлназ Галимуллина, Фернат Насыйбуллин, Алсу Шакирова, Илназ Хәбибуллин, Алсинә Закирова, Рәис Әхмәтзакиров катнаша.

Спектакль 18.30 башлана.

фото - http://karievteatr.ru

Кызыклы яңалыкларны күзәтеп бару өчен Вконтактега кушылыгыз.

#театр #спектакль #Г.Кариев исемендәге татар дәүләт яшь тамашачы театры #"Ут чәчәге"