#Кыскача яңалыклар 23 август 2022, 16:33

Кайбер студент-медиклар «Ашыгыч ярдәм»дә эшли алачак

23 август 2022, 16:33

Россия Хөкүмәте студент-медикларга дүртенче курстан соң ашыгыч ярдәмдә фельдшерлар булып эшләргә рөхсәт итте. Министрлар Кабинетының тиешле карары хокукый мәгълүмат интернет-порталында басылып чыкты, аны РФ премьер-министры Михаил Мишустин имзалаган.

Скопировать ссылку

Сүз «Дәвалау эше», «Педиатрия» һәм «Стоматология»программалары буенча укучы студентлар турында бара.

Алар «Ашыгыч ярдәм» табиблары җитәкчелегендә эшләячәк.

Карар 22 августтан үз көченә керә һәм 2023 елның 31 декабренә кадәр гамәлдә булачак.

Россия Сәламәтлек саклау министрлыгының матбугат хезмәтендә билгеләп үтелгәнчә, яңа норма һөнәр үзләштерүнең өстәмә мөмкинлекләрен ачачак һәм студентларга уку процессы белән параллель рәвештә ашыгыч медицина ярдәме күрсәтүнең гамәли күнекмәләрен алырга мөмкинлек бирәчәк.

«Югары уку йортларын тәмамлаучыларның эшкә урнашу һәм күнекмәләр һәм компетенцияләрне киңәйтү өчен өстәмә мөмкинлекләре барлыкка киләчәк», - диелә Россия Сәламәтлек саклау министрлыгы хәбәрендә.

Кызыклы яңалыкларны күзәтеп бару өчен Т елеграмга кушылыгыз.