Казан буенча Эчке эшләр идарәсе башлыгы суворовчылар белән онлайн-дәрес үткәрде

Дәрес тәмамлангач, РФ Эчке эшләр министрлыгы идарәсе башлыгы суворовчыларны Эчке эшләр министрлыгы югары уку йортын тәмамлаганнан соң, полициягә эшкә чакырды.

Россия Эчке эшләр министрлыгының Казан буенча Идарәсе башлыгы Александр Мищихин Алабуганың уку йортларында белем алучы суворовчылар белән  «IT-технологияләр кулланып кылынган җинаятьләрне ачу һәм тикшерү» темасына онлайн дәрес үткәрде. Бу хакта Россия Эчке эшләр министрлыгының Казан буенча идарәсе матбугат хезмәте башлыгы Рафаэль Сәгъдиев хәбәр итте.

Суворовчыларга хәзерге мошенникларның нинди хәйләләр куллануы һәм аларга эләкмәс өчен нишләргә кирәклеге турында сөйләделәр.
"Узган атнада гына да мошенник аркасында казанлылар 15 млн. сум тирәсе югалтты", - дип белдерде Мищихин. Мошенниклар тарафыннан кулланылучы схемалар турында сөйләде.

Моннан тыш, дәрес вакытында "Туганың бәлагә юлыккан" мәсьәләсе күтәрелде. Мищихин бу схемаларны кулланучы җинаятьчеләрне ачыклаулары һәм аларны кулга алулары турында сөйләде.