Казан гимназиясенә утлы корал белән һөҗүм итүдә зыян күргән балаларның хәле ничек?

Мәскәүдә Леонид Рошальның кичектергесез балалар хирургиясе һәм травматологиясе фәнни-тикшеренү институтында Казан гимназиясендәге атышта зыян күргән ике баланы дәвалау дәвам итә. Россия Тикшерү комитеты белән медицина учреждениесы арасында зыян күргән балаларга ярдәм күрсәтү мәсьәләләрендә хезмәттәшлек итү турында килешү төзелгән.

РФ Тикшерү комитеты рәисе Александр Бастрыкин белән онлайн-очрашу вакытында зыян күргән укучыларның ата-аналары ведомство башлыгына рәхмәт белдерде һәм балаларга квалификацияле медицина ярдәме күрсәтелә, дип билгеләделәр.

Александр Бастрыкин, үз чиратында, профильле ведомстволар җитәкчеләренә зыян күрүчеләр белән аларның мөрәҗәгатьләре һәм үтенечләре үз вакытында реакция алсын өчен оператив рәвештә элемтәләр урнаштырырга кушты, дип хәбәр иттеләр ведомствоның матбугат хезмәтендә.