Татарстан Президенты Рөстәм Миңнеханов һәм Россия авыл хуҗалыгы министры урынбасары - Балыкчылык буенча агентлык җитәкчесе Илья Шестаков узган атнада «Казан» гаилә үзәге каршында оештырылган «Фишка» гастрономия фестивалендә булдылар. Фестиваль мәйданчыгында танылган Россия шоумены Оскар Кучера һәм Казан рестораны шеф-повары Максим Агуреев мең литр «Зур Казан уха»сын әзерләде. Зур учакта бөтен...
Фестивальдә «Агач эшләнмәләр», «Керамика», «Татарстанның урман үләннәре», «Чүлмәкчелек» һәм башка мәйданчыклары да оештырылган иде.
Биредә балык сату ярминкәсе дә оештырылды. Арча, Кайбыч балык хуҗалыклары, «Батыршин» крестьян-фермер хуҗалыгы тере балык китергән, аның өчен аквариумнар куелган. Шулай ук балык шулпасы, кыздырылган балык тәкъдим иткән павильоннар бар иде.
Шул ук көнне Татарстан Хөкүмәте йортында Рөстәм Миңнехановка Татарстанның аквабиокультура комплексы проектын тәкъдим иттеләр. Киңәшмә Татарстанның балык хуҗалыгы тармагына багышланды һәм Казанда эшлекле сәфәрдә булган Россия авыл хуҗалыгы министры урынбасары - Балыкчылык буенча агентлык җитәкчесе Илья Шестаков катнашында үтте.
Проект, Татарстанда чит ил инвесторларын җәлеп итеп, балык үрчетүне күзаллый. Аерым алганда, Норвегия инвесторлары Татарстан белән әлеге проектны тормышка ашыруда кызыксынуларын раслаган.
Атлантика сөләйман балыгы, керкә, җәен - әлеге балыклар республикада үрчетелә башлаячак дип фаразлана. Хуҗалыклар Кама Аланында, Чистайда һәм Зәйдә булыр дип күзаллана.
Комментарийлар