Казан Мәдинә белән Минтимерле булды

Казанның 7нче клиник хастаханәсендә яңа ел төнендә музыка астында дөньяга аваз салган ул. Бу елның беренче нарасые булса да, Әхвәрдиевләр гаиләсендә сабый – өченче. Әти-әнисе кызга Тамара дип исем кушарга җыена. Тамарадан соң Казанда тагын 6 бала аваз салырга өлгергән. Алар арасында җырчы Гүзәлем белән Салават Миңнехановларның кызлары Мәдинә һәм Гөлназ белән Илсур Шәрипҗановларның уллары Минтимер дә бар.