Казан мәктәпләрендә укучыларны кем саклаячак?

Татарстан башкаласының Мәгариф идарәсе башлыгы Ирек Ризванов мәгариф хезмәткәрләренең шәһәр күләмендәге педагогик киңәшмәсендә журналистларга шул хакта хәбәр итте.

«Шәхси сак предприятиеләре хезмәткәрләренең саны бинага бәйле булачак. Без белем бирү оешмалары арасында бертөрле биналар булмавын, аларның барысы да төрле-төрле икәнлеген аңлыйбыз», — диде спикер.

Ризванов искәрткәнчә, шәхси сак предприятиеләре хезмәткәрләренә эш хакы түләү өчен акча шәһәр һәм республика бюджетларыннан бүленәчәк. Мәктәп укучыларының ата-аналарыннан акча алынмаячак. 

Чыганак: "Татар-информ"