Казан театрында өрәкләр бар?!

Чара «Ночь искусств» Бөтенроссия акциясе кысаларында уза.
Өрәкле йортта дөм караңгы булачак, ә экскурсиядә катнашучыларга бары тик телефоннарындагы фонарьләрен генә кабызырга яраячак. Экскурсовод исә юлны керосин лампасы белән күрсәтә. Ул театр эчендә булган тарихи истлекләрне дә барлаячак әле. Экскурсиядә “газета укучы малай” да булачак. Ул Казанда басылган элекеге газета-журналлардан театр бинасында барган үзенчәлекле вакыйгаларны укыячак. Театр бинасында чыннан да өрәкләр йөриме икәнен, менә шул экскурсия аша белә аласыз инде.

Биредә шулай ук театр, Казан һәм бөтен ил тарихын белеп булачак, ди Казан яшь тамашачы театры матбугат хезмәте.